Астаналықтар Масленицаны қалай атап өтті

АСТАНА, 2 наурыз– Sputnik. Астанада православтардың дәстүрлі мерекесі – Масленица аталып өтті, деп хабарлайды Sputnik Қазақстан.

Бүгін Қасиетті Успен кафедралды шіркеуінің алаңында мыңдаған адам жиналды. Барлығы көктемнің алғашқы мерекесін қарсы алып, Масленицаның негізгі тағамы – құймақтың түр-түрін жеп көрді. Осыдан кейін православтардың оразасы басталады.

Астанадағы Масленицада сан алуан ойындар мен конкурстар ұйымдастырылды. Самауырындардың көрмесі өтті. Соның бәрін қала тұрғындарын өз үйлерінен алып келді.

"Масленица – ежелгі мейрам. Мыңдаған жылдардың ішінде одан жаман нәрсенің бәрі кетті, қуаныш пен мереке, бір-бірімізбен араласуымыз, балалар мен үлкендердің қуанышты сәттері қалды. Бүгінгі мейрам сіздерге ұлы қуаныш сыйласын!", - дейді Архмандрит Сергий.

Мерекелік шараға Ресей мен Беларусь елшілері де келді. Олар да өз тілектерін білдірді.

"Бұл жаңа 2025 жылдың көктемі, біз үшін ерекше жылдың көктемі. Биыл Кеңес одағының Ұлы Отан соғысындағы жеңісіне 80 жыл толады", - деді Ресей елшісі Алексей Бородавкин.

Ал Беларусь елшісі Алексей Богданов бауырлас халықтардың бірлігін сезінгенін ерекше атап өтті.

Айта кетері, Масленицаның нақты күні белгіленбеген. Мереке жыл сайын әртүрлі күнге түседі. Оны Пасханың алдында жеті күн бойы тойлайды.