АСТАНА, 27 ақпан – Sputnik. Польша тұрғындары АҚШ президенті Дональд Трамптың Украинадағы қақтығысты тоқтатуға бағытталған іс-әрекеттеріне алаңдаушылық білдіріп отыр. Бұл туралы IBRiS жүргізген сауалнама нәтижесінде белгілі болды.
Респонденттерге: "Трамптың әрекеті, соның ішінде Украинадағы қақтығысты тоқтатуға қатысты әрекеті поляктардың қауіпсіздігін күшейте ме?" деген сұрақ қойылды. Респонденттердің 36,5%-ы иә деп жауап берсе, 56,9%-ы күмән келтірген.
Польшадағы қазіргі биліктің жақтастары, шағын қалалардың тұрғындары және жоғары білімі бар адамдар көп алаңдаушылық білдірген. Бұл ретте оппозиция жақтастары Трампты қолдайды.