АСТАНА, 11ақпан — Sputnik. Қарағанды облысы Нұра ауданында пайдаланылмай жатқан жер анықталды, деп хабарлайды өңір прокуратурасы.
Ауыл шаруашылығы қажетіне пайдалануға берілген жердің кадастрлық құны 258 миллион теңгеден асады. Жалпы аумағы 46 271 гектар жердің мақсатына сай пайдаланылмағанына біраз уақыт болған. Қабылданған шаралардың нәтижесінде жер мемлекет меншігіне қайтарылды.
"Енді бұл жер ауыл шаруашылығын дамытуға тиімді пайдалана алатын жауапты азаматтарға беріледі",- деп жазылған хабарламада.
Пайдаланылмай жатқан жерлерді анықтап, қайтару жұмыстары әлі де жалғасады, дейді прокурорлар.
23 Қыркүйек 2024, 14:51