АСТАНА, 9 ақпан – Sputnik. Маңғыстау облысында төрт адамның өмірін қиған жол апаты болды, деп хабарлайды Sputnik Қазақстан.
Облыстық полиция департаменті ұсынған ақпаратқа сәйкес, 6 ақпан күні "Бейнеу – Сайотес" тас жолында Toyota Camry мен КамАЗ соқтығысты. Жеңіл көліктің төрт жолаушысы оқиға орнында қайтыс болды. Ал жүргізуші сан алуан жарақаттармен аудандық ауруханаға жеткізілді. Полиция оқиғаның мән-жайын анықтауға кірісті.
Қазіргі кезде Қылмыстық кодекстің 345-бабы (өлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы, абайсызда екi немесе одан да көп адамның өлiмiне әкеп соққан іс-әрекет) бойынша сотқа дейінгі тергеу шаралары басталды.
Айта кетері, осы қылмыс үшін бес жылдан он жылға дейінгі мерзімге бас бостандығынан айыру жазасы қарастырылған.