АСТАНА, 3 ақпан – Sputnik. Қазақстан, Ресей және Беларусь елдерінің жобалары ЕАЭО-ның бизнес бастамаларын субсидиялаудың жаңа механизмі бойынша бірінші болып қолдау тапты.
Бұл туралы Ресей премьер-министрі Михаил Мишустин Қазақстанға сапарын қорытындылай келе мәлімдеді. 30-31 қаңтарда Еуразиялық үкіметаралық кеңестің отырысында ортақ нарықтың жұмыс істеуі және өнеркәсіптік кооперацияны кеңейту мәселелері талқыланды.
Сондай-ақ ЕАЭО-ның көлік-логистикалық әлеуетін ашу бойынша бірлескен жұмыс жалғасуда. "Бестік" мемлекеттері арасында деректер мен құжаттарды электрондық алмасу үшін қажетті интеграциялық ақпараттық жүйе құрылып жатыр.
"Одақтың басқа қатысушыларымен бірге елдердің экономикасын дамыту, бастысы халқымыздың өмір сүру сапасын арттыру үшін қажеттінің бәрін жасай береміз", – деді Мишустин.
Мишустин Қазақстан президенті Қасым-Жомарт Тоқаевпен және премьер-министр Олжас Бектеновпен екіжақты сауда-экономикалық қатынастар мен инвестициялық байланыстарды дамыту жайын егжей-тегжейлі талқыланғанын айтты.
Алматыда Мишустин жетінші рет өткен Digital Almaty 2025 жыл сайынғы халықаралық цифрлық форумының пленарлық сессиясына қатысқан болатын.