АСТАНА, 31 қаңтар — Sputnik. АҚШ президенті Дональд Трамп Украинада келіссөздер арқылы бейбітшілік орнатуды жоспарлап отыр, деп мәлімдеді АҚШ мемлекеттік хатшысы Марко Рубио журналист Мегин Келлиге берген сұхбатында, деп хабарлады РИА Новости.
"Президенттің бұл ұзаққа созылған қақтығыс және оны тоқтату керек деген ұстанымы бар. Оны келіссөздер арқылы аяқтау керек", - деді Рубио.
Сондай-ақ АҚШ Мемлекеттік хатшысы келіссөздер барысында Украина мен Ресей белгілі бір шегіністерге баруы керек деп есептейді.
"Барлық келіссөзде тараптар бір нәрседен бас тартуы керек. Мен бұл мәселені алдын ала талқыламаймын. Бізді алдымызда қарқынды дипломатиялық жұмыс күтіп тұр, бұған дейін біз мұнымен айналыстық және жағдайға шынайы қарап отырмыз", - деді ол.
Мәскеу келіссөздерге дайын екенін бірнеше рет білдірді, бірақ Киев оларға заңнамалық тұрғыда тыйым салды. 2022 жылдың қазан айында Владимир Зеленский Ресей басшылығымен келіссөздер жүргізуге тыйым салатын жарлыққа қол қойды.
АҚШ президенті Дональд Трамп бұған дейін Джо Байденнің президент болғанында Украинадағы қақтығыс ешқашан басталмас еді деп мәлімдеген. Ол сондай-ақ қайта сайланса, бар болғаны 24 сағат ішінде мәселені шешуге ниетті екенін айтты. Кейінірек АҚШ Мемлекеттік хатшысы Марко Рубио бұл үшін "дипломатияның қажырлы еңбек" қажет болғандықтан саясаткердің өз жоспарларын жүзеге асырмағанын айтты.