АСТАНА, 20 қаңтар – Sputnik. Speedtest Global Index порталы 2024 жылдың қорытындысы бойынша интернет жылдамдығы ең жоғары қалалар мен мемлекеттердің рейтингін жариялады, деп хабарлайды Sputnik Қазақстан.
Соңғы зерттеуде мамандар 154 мемлекеттегі 200 қалада мобильді интернет пен кеңжолақты интернеттің қолжетімділігін зерделеп шықты. Рейтинг жасау кезінде мобильді және кеңжолақты жүйелерден жүктеу жылдамдығы ескерілді.
Зерттеуге сәйкес, Қазақстан мобильді интернет жылдамдығы бойынша тағы бір сатыға көтеріліп, 57-ші орынға жайғасты. Мобильді интернеттен жүктеудің орташа жылдамдығы секундына 53,79 мегабитті құрады. 58-ші орында Жапония тұр. Ол жақта мобильді интернеттің жылдамдығы секундына 53,54 мегабитті құрап отыр.
Ал кеңжолақты интернеттің жылдамдығы Қазақстанда әлдеқайда баяу, секундына 73,67 мегабит. Бұл көрсеткіш жағынан Қазақстан әлем елдері ішінде 88-ші орында тұр.
Мобильді интернет жылдамдығы бойынша үздік үштік:
1.
Біріккен Араб Әмірліктері – секундына 453,87 мегабит;2.
Қатар – секундына 383,5 мегабит;3.
Кувейт – секундына 257,3 мегабит.Ауғанстан рейтингтің ең төменгі сатысында орналасты. Ол жақта мобильді интернеттің жылдамдығы секундына небәрі 8,2 мегбитті құрайды.