АСТАНА, 20 қаңтар – Sputnik. Мемлекет басшысы Қасым-Жомарт Тоқаев Қазақстанның халық жазушысы, драматург Төлен Әбдікке " жеделхат жолдады, деп хабарлайды Sputnik Қазақстан.
Жазушы "Егемен Қазақстан" газетіне сұхбатына сұхбат беріп, өзекті ой-пікірлерін айтты.
"Өзекті ой-толғамдарыңыз арқылы ұлт руханияты үшін құнды дүниелер айтылған. Төл әдебиетіміздің даму көкжиегіне қатысты сын-пікірлеріңіз бен жас буынға қарата айтқан ақыл-кеңестеріңіз орынды деп санаймын. Шын мәнінде, жаһанды жайлаған қазіргідей құбылмалы заманда жазушылар қауымы көркем туындылары арқылы әділдік, жақсылық және адамдық құндылықтарын кеңінен дәріптегені жөн. Бұл еліміздің келешегі үшін өте маңызды. Қаламыңыз қарымды болсын! Сізге мықты денсаулық, бақ-береке және толайым табыс тілеймін! " – деді Тоқаев өзінің жеделхатында.
Айта кетері, жазушының сұхбаты 10 қаңтарда жарияланды. Оны мына жерден оқуға болады.