АСТАНА, 18 қаңтар— Sputnik. Қазақстандық Ақтау мен вьетнамдық Дананг бауырлас қалалалар болды, деп хабарлайды Маңғыстау облыстық әкімдігі.
16-18 қаңтар аралығында Вьетнамның Дананг қаласында "2025 жылғы Достық пен ынтымақтастық қалаларының форумы" өтіп жатыр.
Шара аясында Ақтау мен Дананг портты қаласы арасындағы бауырластық байланыс орнату туралы меморандумға қол қойылды.
Екі қала арасында бауырластық Тоқаевтың бастамасы бойынша 2023 жылғы 20-22 тамызда Вьетнамдағы ресми сапары аясында берілген тапсырмасына сәйкес жүзеге асырылды.
Ақтаудан барғанделегацияны Дананг қаласының мэрі Ле Чунг Чинь және Қазақстанның Вьетнамдағы Елшісі Қанат Тұмыш қарсы алды.
Әкімдіктің хабарлауынша, бұл келісім Ақтау қаласының әлеуметтік-экономикалық дамуына оң серпін береді.
"Атап айтқанда, меморандум екі қала арасында сауда-экономикалық, инвестициялық, көлік-логистикалық, туризм және мәдени-гуманитарлық салалар бойынша өзара бауырластық пен ынтымақтастықты дамытуды көздейді. Осы сапардың нәтижесінде, болашақта Ақтау және Дананг қалалары арасындағы әуе рейстерін ашу мәселесі де қарастырылады", - делінген әкімдік хабарламасында.
Форум барысында Дананг, Ақтау және Италияның Генуя қалаларымен бауырластық байланыстар орнату туралы екі келісім жасалды.
Дананг қаласының 24 елден 50 қаламен бауырластық қатынасы бар.