АСТАНА, 14 қаңтар — Sputnik. Ресей Украинаның қауіпсіздік кепілдігін талқылауға дайын, бірақ қақтығысты шешу үшін қауіпсіздіктің үлкен мәселелерін келісу қажет, деп мәлімдеді РФ сыртқы істер министрі Сергей Лавров. Бұл туралы РИА Новости жазды.
"Батыс қапталдағы, біздің батыс шекараларымыздағы қауіптер қақтығыстың негізгі себептерінің бірі ретінде жойылуы керек. Оларды тек кеңірек келісімдер аясында ғана жоюға болады. Біз Украинаның қауіпсіздік кепілдіктерін талқылауға дайынбыз, бірақ қауіпсіздіктің осы аспектісінің маңыздылығына қарамастан, еуразиялық контекст басым болады", - деді Лавров 2024 жылғы ресейлік дипломатиялық қызметтің қорытындысы бойынша өткен баспасөз мәслихатында.
Лавров еуразиялық контекстті елемеуге болмайтынын, өйткені континенттің батыс бөлігі Қытай, Үндістан, Ресей, Парсы шығанағы және бүкіл Оңтүстік Азия сияқты елдерден шеттетіле алмайтынын айтты.
"Біз континентті оның орталық бөлігіндегі: Орталық Азия, Кавказ, Қиыр Шығыс, Тайвань бұғазы, Оңтүстік Қытай теңізіндегі істерді аймақ елдері шешетіндей етіп ұйымдастыруымыз керек", - деді ресейлік министр.