АСТАНА, 13 қаңтар – Sputnik. Мемлекет басшысы Қасым-Жомарт Тоқаев жұмыс сапарымен Біріккен Араб Әмірліктеріне барды, деп хабарлайды Ақорда.
Қасым-Жомарт Тоқаевты Абу Даби әуежайынан БАӘ Вице-президенті шейх Мансұр бен Заид Әл Нахаян және басқа да ресми тұлғалар күтіп алды.
Мемлекет басшысы БАӘ Президенті шейх Мұхаммед бен Заид Әл Нахаянмен келіссөз жүргізеді. Сондай-ақ осы елдің іскер топтары өкілдерімен бірқатар кездесу өткізеді.