АСТАНА, 12 қаңтар - Sputnik. Шығыс Қазақстан облысында қар көшкінінің жүруіне байланысты республикалық трассада қозғалысқа шектеу қойылды, деп хабарлады "ҚазАвтоЖол" компаниясы.
"12 қаңтар сағат 09:00-дан бастап қар көшкінінің профилактикалық түсуіне байланысты "Өскемен-Алтай-Үлкен Нарын-Катонқарағай-Рахман кілттері" жолының Северное ауылы - Серебрянск қаласы учаскесінде көліктің барлық түрлері үшін шектеу енгізілді", - деп хабарлады ҚазАвтоЖол.
Жолды 12 қантар сағат 15:00-де ашу жоспарланған.
Мамандардың хабарлауынша, 1403 байланыс орталығына хабарласып, тәулік бойы қосымша ақпарат алуға болады.