АЛМАТЫ, 12 қаңтар - Sputnik. Алматыда түнде Қазақ-британ техникалық университеті өртенді, деп хабарлайды Sputnik Қазақстан.
Өрт университет ғимаратының шатырында шыққан.
"Өрт орнында жедел штаб құрылды. Қазақстан ТЖМ Командалық орталығы өртті сөндіру үшін күш мен құрал санын өсіруді тапсырды. Оқиға орнында Алматы ТЖД 78 құтқарушысы мен 28 бірлік техникасы жұмыс істеді", - деп хабарлады Төтенше жағдайлар министрлігі.
Өрт сөндіру жұмыстары кезінде ғимарат құрылысының ерекшеліктері, жоғары өрт жүктемесі мен қатты түтін қиындық тудырған.
Қазақ-британ техникалық университеті өртенді
© Photo : ТЖМ
ТЖМ күштері өртті 120 шаршы метр алаңда толығымен сөндірді.
Зардап шеккендер жоқ, өрттің себебі анықталып жатыр.