АСТАНА, 5 қаңтар – Sputnik. Абай облысында жарыс кезінде автокөлік жардан Ертіс өзеніне құлап кетті, деп хабарлады Polisia.kz.
"5 қаңтарда сағат 06:00-де Полковничий аралында, Бүркіт ұясы маңында жеңіл автокөлік жардан құлап, Ертіс өзеніне түскені туралы хабарлама түсті. Алдын ала мәлімет бойынша көлік ішінде төрт адам болған", - деп жазылған хабарламада.
Оқиға орнына жедел түрде полиция қызметкерлері мен құтқарушылар жіберілді. Қазіргі уақытта іздестіру-құтқару жұмыстары жүргізіліп, оқиғаның барлық мән-жайы анықталуда.