АСТАНА, 5 қаңтар – Sputnik. Индонезия парламентінің спикері Пуан Махарани РИА Новости агенттігіне берген сұхбатында Украинадағы қақтығысты келіссөз арқылы шешуге шақыратынын мәлімдеді.
"Халықаралық парламенттік форумдарда Индонезияның Өкілдер палатасы әрдайым Украинадағы қақтығысты тоқтатуғашақырып келеді. Біз аумақтық тұтастыққа құрметпен қарауға, халықаралық құқық пен БҰҰ Жарғысынсақтауға шақырамыз. Барлық тарапты дауды дипломатия, келіссөзжәне консультация арқылы шешуге шақырамыз", - деп атап өтті саясаткер.
Бұған дейін Ресейдің сыртқы істер министрі Сергей Лавров Вашингтонда Украина мәселесі бойынша келіссөздерді бастауға барлық мүмкіндік бар екенін мәлімдеген болатын.
"Әрине, жаңа әкімшілікте де, қазір жұмыс істеп тұрған әкімшілікте де мұндай мүмкіндіктер бар. Ол тек осы тетіктерді өзіне және Киевке қолдануы керек. Егер Вашингтон шынымен де қақтығысты тоқтатқысы келсе, олар Киевке қару-жарақ жеткізуді тоқтатар еді, Киевке атысты тоқтатуды, Ресей басшылығымен келіссөздерді қандай да бір шартсыз жалғастыруды, Зеленскийдің келіссөздер жүргізуге тыйым салатын жарлығының күшін жоюды бұйырар еді", - деді Лавров.