АСТАНА, 1 қаңтар - Sputnik. Жаңа жыл түнінде Қазақстанда 181 нәресте дүниеге келді, деп хабарлады денсаулық сақтау министрлігі.
Жаңа жыл түнінде республика перзентханаларында 181 бала дүниеге келді, оның ішінде 105 ұл мен 76 қыз. Маңғыстау облысында егіздер туды.
Мереке түнінде туған нәрестелердің ең көп саны Түркістан облысында тіркелді – 34 сәби, екінші орында - Алматы қаласы мен Алматы облысы - 17 нәресте, ал Шымкент қаласында 16 отбасы қуанышқа бөленді..
Астанада өткен жылдағыдай 10 сәби дүниеге келген.