АЛМАТЫ, 27 желтоқсан – Sputnik. Интернет сапасын арттыратын FWA технологиясын дамыған елдер ғана емес, Қазақстан мен Өзбекстан да пайдаланып жатыр, деп хабарлады Finprom.kz.
Қазір Қазақстанда интернетке қатысты көптеген технология қолданылады. Инновациялық және ең маңызды технологиялардың бірі – FWA. Бұл технология интернеттің қолжетімділігін арттыру мәселесін шешеді.
Батыс Еуропаның халық тығыз орналасқан елдерінде 2030 жылға қарай FWA нарығының үлесі 10% -20% болады деп болжанған. Сонымен қатар 5G FWA анағұрлым маңызды елдер: Австрияда 31,9%, Жаңа Зеландияда — 22,1%, Болгарияда — 18,1%, Австралияда — 17,1%, АҚШ-та — 16,6%, Сауд Арабиясында — 16,5%, Швейцарияда - 15,5% құрайды.
Биыл бірінші тоқсанда 5G FWA әлемнің 63 елінде 131 операторды іске қосты. Бұл технология 2020-2030 жылдар аралығында үш есе артады деп жоспарлануда. Жаңа технологияны технологиясы дамыған мемлекеттер көптеп енгізіп жатыр. Олардың қатарында Қазақстан да бар. Біздің республикамыздан басқа Еуразия өңірінде бұл технологияны Өзбекстан ғана пайдаланады.