АСТАНА, 22 желтоқсан — Sputnik. Астанада 21-22 желтоқсанға қараған түні коммуналдық қызметтер 2 833 рейспен 34 мың текше метрден астам қар шығарды.
Түнгі ауысымда 21-22 желтоқсан аралығында қар тазалау жұмыстарына 343 жұмысшы және 1 264 арнайы техника жұмылдырылды.
1200 автомашина арнайы техника түнде қар тазалауға шықты.
Қыс мезгілінің басынан бастап полигондарға қаладан 102 654 рейспен 1,3 млн текше метрге жуық қар шығарылды.
"Ереже бойынша, бірінші кезекте, қалада көлік кептелісі болмас үшін көлік көп жүретін учаскелер тазаланады. Сондай-ақ қозғалыс қарқыны орташа учаскелер - алаңдар, вокзал маңындағы аумақтар, тротуарлар, әлеуметтік нысандарға кіретін жолдар таазаланады. Орталық көшелерде, жолаушылар көлігі бағыттарында, аялдамалар мен тротуарларда тазалық жұмыстарына басымдық берілуде", - деп хабарлады Астана әкімдігінің баспасөз қызметі.
Елордада бірнеше жабдықталған қар полигондары жұмыс істейді. Олар самосвал техникасының нөмірлік белгілерін анықтау жүйесімен жабдықталған, мұнда бейнебақылау камералары орнатылған, жарықтандыру қосылған.