АСТАНА, 20 желтоқсан – Sputnik. Ауа райының қолайсыздығына байланысты Алматыдан ұшақтар кесте бойынша ұша алмайды. Бұл туралы Air Astana хабарлады.
"Алматыдан ұшатын рейстер қардың қалың түсуіне байланысты кейінге қалдырылды, бұл ұшақтардың мұз қатуына қарсы өңделуіне кедергі келтіріп тұр", - делінген компанияның баспасөз қызметі таратқан хабарламада.
Жолаушылардан әуежайға барар алдында әуе компаниясының сайтында рейс күйін тексеру ұсынылды.