АСТАНА, 19 желтоқсан – Sputnik. Ресей президенті Владимир Путин тікелей байланыс кезінде сөйлеген сөзінде Ресей әскері туралы айтты, деп хабарлады РИА Новости.
"Біздің жауынгерлер күн сайын шаршы шақырым аумақты басып алып жатыр. Біз арнайы әскери операцияның бастапқы негізгі міндеттерімізді шешуге қарай жүріп келеміз", - деді ол тікелей эфирде.
Сонымен қатар Путин "Ресей қарулы күштерінің әлеуеті артып келе жатқанын" айтты.
Ресей басшысы дәстүрлі "Владимир Путин жылды қорытындылайды" бағдарламасына қатысып жатыр.
Путиннің баспасөз конференциясымен ұштастырылатын тікелей желіге АҚШ, Франция және Қытайды қоса алғанда, түрлі шетелдік БАҚ журналистері қатысады деп жоспарланған.