АСТАНА, 17 желтоқсан – Sputnik. Шымкентте екі адамның өліміне кінәлі деп танылған жүргізуші 5 жыл мерзімге бас бостандығынан айырылды, деп хабарлады қалалық сот.
Сотталушы 2024 жылдың шілде айында "Toyota Camry" маркалы автокөлігімен келе жатып Арғынбеков көшесінің қиылысында бағдаршамның жасыл түсіне өткен "KIA K5" автокөлігін өткізіп жібермей, онымен соқтығысқан.
"Жол апатынан "KIA K5" автокөлігінің кәмелетке толмаған 2006, 2009 жылғы жолаушылары дене жарақатынан қайтыс болып, KIA K5 жүргізушісі мен 2008 жылғы жолаушысы денсаулығына орта, ал "Toyota Camry" автокөлігінің жолаушысы ауыр дәрежелі жарақат алды", - деп жазылған хабарламада.
Прокурор сотталушыға көлік құралдарын жүргізу құқығынан және бас бостандығынан айыру жазасын тағайындауды сұрады. Жәбірленушілер прокурормен келісе отырып, материалдық және моральдық залал өндіруді сұрады.
Сотталушы кінәсін толық мойындап, жеңіл жаза ағайындауды өтінді.
Сот жүргізушіні ҚК-нің 345-бабының 4-бөлігімен кінәлі деп танып, 5 жыл мерзімге бас бостандығынан айыру жазасын кесті. Оған 7 жыл мерзімге көлік жүргізуге тыйым салынды.
Талап арыз ішінара қанағаттандырылып, жәбірленушілердің пайдасына 10 миллион теңге өндірілді.
Үкім әлі заңды күшіне енбеді.