АСТАНА, 15 желтоқсан – Sputnik. Арқалық қаласында бас прокурордың орынбасары Ернұр Кенжеғарин этика нормаларын бұзғаны үшін жұмыстан босатылды, деп хабарлайды Sputnik Қазақстан Наша Газета сайтына сілтеме жасап.
Облыстық прокуратураның ішкі қауіпсіздік қызметі Кенжеғаринге қатысты тексеріс өткізген. Соның нәтижесі бойынша қала прокурорының орынбасары 26 қарашада жұмыстан босатылды.
Оған қатысты қылмыстық іс қозғалған жоқ. Кенжеғарин құқық қорғау органдарының Этикалық кодексі, 7-бөлігінің 1-ші және 6-шы тармақшасын бұзған. Осылайша, қызмет бабында өзінің және прокуратура органдарының атақ-абыройына нұқсан келтіретін мінез-құлық танытты. Бірақ нақты қандай әрекет жасағаны белгісіз. Прокурорлар бұл ақпарат тергеу құпиясына жататынын мәлімдеді.