АСТАНА, 13 желтоқсан – Sputnik. Цюрихте (Швейцария) өтетін 2026 жылғы футболдан әлем чемпионатының еуропалық іріктеу турнирінің жеребе тарту рәсімі өтті.
Қазақстан құрамасы іріктеудегі қарсыластарын білді. Жеребе қорытындысы бойынша ұлттық құрама J тобына түсті, 2026 жылғы әлем чемпионатына жолдама үшін Бельгия, Уэльс, Солтүстік Македония және Лихтенштейн құрамаларына қарсы ойнайды.
Алғаш рет 2026 жылғы әлем чемпионатының финалдық кезеңі бірден үш елде: АҚШ, Канада және Мексикада өтеді.
УЕФА-дан 2026 жылғы әлем чемпионатына 16 команда барады. Топтардың 12 жеңімпазы тікелей жолдама алады. Екінші орын алған 12 команда және Ұлттар лигасы арқылы іріктеуден өткен төрт команда тағы төрт орынды сарапқа салады.
Іріктеу 2025 жылдың наурызынан қарашасына дейін өтеді, ал 2026 жылдың наурызында қосымша төрт орынға кімдер лайық екені анықталады. Әлем чемпионатының өзі 2026 жылдың 11 маусымы мен 19 шілдесі аралығында өтеді.