АСТАНА, 13 желтоқсан – Sputnik. Астанада 13 желтоқсанда күндізгі ауысымда қала көшелеріндегі қарды тазалауға 2,6 мыңнан астам жол жұмысшысы мен мыңнан астам арнайы техника шықты, деп хабарлады қала әкімдігі.
Желтоқсанның 12-нен 13-іне қараған түні елордадан 345 рейспен 4 мың текше метрден астам қар жиналып, полигонға шығарылды.
Жалпы, қысқы кезең басынан бері 78 116 рейспен қаладан 991 мың текше метрден астам қар шығарылды.
Ережеге сәйкес, жолдарда кептеліс болмас үшін ең алдымен қалада көлік қозғалысы өте көп аймақтарды тазартады.
Елордада бірнеше жабдықталған қар полигоны бар. Олар самосвалдардың нөмірлерін анықтау жүйесімен жабдықталған, мұнда бейнебақылау камералары орнатылып, жарықтандыру қосылған.