АСТАНА, 10 желтоқсан — Sputnik. Алматыдағы метрода ер адам пойыздың астына түсіп қайтыс болды, деп хабарлайды қалалық полиция департаментінің баспасөз қызметі.
Оқиға 10 желтоқсанда болған.
"Қазіргі күні тергеу жүріп жатыр. Оқиға салдарынан 26 жастағы зағип жігіт көз жұмды. Оқиғаның басқа да мән-жайлары анықталуда", - делінген хабарламада.
Жігіт метро пойызының астына түсіп кеткен. Марқұмның денесін алып шығу үшін бір топ адам пойызды орнынан қозғаған.