АСТАНА, 8 желтоқсан – Sputnik. Қазақстандық Шавкат Рахмоновтың (19-0) Лас-Вегаста (АҚШ, Невада) UFC 310 турнирінде сәтті өнер көрсеткені үшін алатын гонорары белгілі болды, деп хабарлады Sports.kz.
Рахмонов ирландиялық Иэн Гэрриді (15-1) жеңіп, бұл жекпе-жек үшін 450 мың доллар табыс тапты. Оның 350 мыңы кепілді жарна ретінде төленсе, жеңіске жеткені үшін тағы 100 мың доллар алады.
Естеріңізге сала кетейік, бұл Шавкат Рахмоновтың UFC-дегі жетінші жекпе-жегі болды. Оның келесі қарсыласы жартылай орта салмақтағы UFC чемпионы, америкалық файтер Белал Мухаммад (24-3) болады деп жоспарланып отыр.