АСТАНА, 8 желтоқсан – Sputnik. Өткен түнде елорданың коммуналдық қызметтері қар полигонына 7 мың текше метрге жуық қарды тасымалдады, деп хабарлайды Астана әкімдігінің ресми сайты.
7 желтоқсанда күндізгі ауысымда қала көшелеріндегі қар мен мұзды тазалауға 2 мыңға жуық жұмысшы мен 1,2 мыңнан астам арнайы техника шықты.
Желтоқсанның 6-нан 7-не қараған түні 827 ауыр жүк көлігімен 7 мың текше метрге жуық қар полигонға тасымалданды.
Жалпы қысқы кезең басталғаннан бері 67 753 рейспен қаладан 861 мың текше метрге жуық қар шығарылды.
Ережеге сәйкес, жолдарда кептеліс болмас үшін ең алдымен қалада көлік қозғалысы өте көп аймақтарды тазартады. Елордада бірнеше жабдықталған қар полигоны бар. Олар самосвалдардың нөмірлерін анықтау жүйесімен жабдықталған, мұнда бейнебақылау камералары орнатылып, жарықтандыру қосылған.