АСТАНА, 7 желтоқсан – Sputnik. Fly Arystan қазақстандық лоукостер әуе компаниясы Астанадан Гоаға чартерлік рейстерді іске қосты.
Қазақстан астанасынан Үндістанның танымал курортына рейстер аптасына екі рет – сейсенбі және сенбі күндері орындалады.
"FlyArystan бұл чартерді KOMPAS және FUN&SUN туроператорларымен серіктестікте жүзеге асырады. Чартерлік бағыттың іске қосылуы Қазақстанның солтүстік аймақтарының тұрғындарының Гоада демалуға деген сұранысының жоғары болуына байланысты", - деп хабарлады компания.
Әуе билетінің құнына мынадар кіреді:
5 кг қол жүгі;
15 кг жүк;
ұшақ бортында ыстық тамақ.
Билеттердің құны мен броньдауға қатысты сұрақтар бойынша авиатасымалдаушы Қазақстанның туристік агенттіктеріне хабарласуды сұрайды.