АЛМАТЫ, 28 қараша – Sputnik. Владимир Путин Қазақстанда атом электр станциясының салынуына және оның құрылысына Ресейдің қатысуына қатысты пікір блідірді.
"Біз "Росатомның" мүмкіндігін осы тұрғыда атап өттік, бірақ Қазақстан технологиялық және қаржылық шешімдерді өзі таңдауға құқылы", - деді Ресей президенті Астанада өткен баспасөз мәслихатында.
Путин "Росатом" осы саладағы ең ірі компанияладың бірі екенін атап өтті.
"Біз кадрларды дайындаймыз, қажетті материалдарды жеткіземіз, пайдаланылған отынды аламыз және атом саласындағы ғылымның дамуына ықпал етеміз. Әрине, Қазақстан президенті, қазақстандық әріптестеріміз, достарымыз үшін бұл қызмет түрі жаңалық емес. Оларда уран өндіру бойынша кәсіпорындар бар. Олар өздерінің не қалайтынын, қанша төлеуге дайын болу керек екендігін және не алғысы келетінін жақсы біледі", - деп қосты ол.
Путиннің айтуынша, егер Қазақстан бірлесіп жұмыс істеуге ниет білдірсе, Ресей атом электр станциясын салуға қатысуы мүмкін.
Айта кетейік, Қазақстанда АЭС салу туралы мәселені жалпыұлттық референдумға шығаруды президент Қасым-Жомарт Тоқаев 2023 жылғы 1 қыркүйекте ұсынған болатын. 2024 жылы 6 қазанда АЭС салу туралы референдум өтіп, барлығы 7,8 млн адам қолдайтыны туралы дауыс берді.