АСТАНА, 25 қараша – Sputnik. Атырау облысында салынып жатқан қуаты 1 млрд текше метр газ өңдеу зауытындағы 75% үлес Катар тарапына берілді, деп хабарлады Қазақстанның Мұнай-газ кеңесінің баспасөз қызметі.
"Самұрық-Қазына" АҚ есебінде акция құны 71,1 млрд теңгені құрайтыны көрсетілген. Газ өңдеу зауытының құрылыс операторы – "GPC Investment" ЖШС.
Бұған дейін Дохада QazaqGaz өкілдері мен Атырау облысындағы газ өңдеу зауыты жобасына қатысушылар, соның ішінде Power International Holding (UCC құрылтайшысы), Kazakh Construction Group және қытайлық HBP компаниясының өкілдері арасында кездесу өтті.
Кездесуде Қашаған кен орнындағы газ өңдеу зауытының құрылысын жеделдету мәселелері талқыланды. Естеріңізге сала кетейік, UCC Holding жобасындағы 75% қатысу үлесін сатып алу мәмілелері аяқталды, қазіргі уақытта операциялық бақылау Катар UCC Holding басшылығына беріліп, транзакция процесі жалғасуда.
Тараптар сонымен қатар қуаты жылына 2,5 млрд текше метр болатын Қашағандағы газды өңдеуге, "Бейнеу-Бозой-Шымкент" газ құбырының екінші желісін салуға және "КС-14-Ақтөбе-Қостанай" газ құбыры құрылысына қатысты жобаларды талқылады.
GPC Investment 2019 жылдың ақпан айында құрылған. 2024 жылдың қаңтарында компания "Самұрық-Қазына" қорына берілді, ал бір ай өтпей-ақ Қор өз үлесін Қор акцияларына айырбастап, одан кейін акциялардың төлемі ретінде "NK QazaqGaz" АҚ-ға толығымен берді.
Бұған дейін Қасым-Жомарт Тоқаев Қазақстан халқына Жолдауында үкіметке "Қашаған" және "Қарашығанақ" кен орындарында газ өңдеу қуатын құруды жеделдетуді тапсырғанын айтқан болатын.