АСТАНА, 21 қараша – Sputnik. Астанада автобус өртенді – ашық жалын мен қою қара түтіннің суреттері әлеуметтік желіні шарлап кетті.
Өрт Назарбаев университетіне жақын жерде болды – №320 бағыттағы Mercedes-Benz автобусы жанып кетті.
"Өрт қозғалтқыш бөлігі аумағынан шықты. Автобус "№1 автобус паркі" АҚ-ға тиесілі", - деп хабарлады автопарктің баспасөз қызметі.
Баспасөз қызметінің мәліметінше, бұған электр тогының қысқа тұйықталуы себеп болуы мүмкін.
Құтқарушылар зардап шеккендер жоқ екенін атап өтті – автобус салоны бос болған.