АСТАНА, 18 қараша – Sputnik. Теміржолшылар еліміздің жылу электр станциялары үшін 32,5 миллион тоннадан астам көмір тасымалдады. Коммуналдық секторға 4,3 миллион тоннадан астам көмір жөнелтілді. Көмір тасымалдауға 20 мыңнан астам вагон тартылған.
Республиканың барлық жылу электр станциясында нормативті көрсеткіштерден асатын – 5,5 миллион тоннадан астам көмір қоры жинақталған, бұл өткен жылмен салыстырғанда 4%-ға артық. Көмір қоймасында тағы 600 мың тонна көмір бар.
“Көмірді тасымалдауды үйлестіру үшін ҚТЖ-да тәулік бойы жұмыс істейтін штаб жұмыс істейді. Күн сайын Қазақстанның өнеркәсіп және құрылыс министрлігінің өкілдерімен кездесулер өткізіліп тұрады. ҚТЖ жүк жөнелтушілердің барлық сұранысын 100% орындайды, жүк көлемі жөнелтілуде, 3-4 күнге көмір тиеуге арналған бос вагондар қоры бар”, - деп хабарлады ҚТЖ баспасөз қызметі.
Компания көмірді барлық тұтынушыға тұрақты жеткізуді қамтамасыз етуді жалғастыруда және көмір операторлары мен жүк жөнелтушілерді тасымалдауға өтінім беруде, әсіресе күзгі-қысқы кезеңде жедел әрекет етуге шақырады.