АСТАНА, 11 қараша – Sputnik. АҚШ президенті сайлауында жеңіске жеткен Дональд Трамп бейсенбі күні Ресей лидері Владимир Путинмен телефон арқылы сөйлесті, деп жазды Washington Post жағдайды білетін бірнеше адамға сілтеме жасап.
"Трамп <...> Путинмен бейсенбі күні сөйлесті, бұл олардың Трамп сайлауда жеңіске жеткеннен кейінгі алғашқы телефон арқылы тілдесуі", - деп жазды басылым.
Ақ үйдің болашақ басшысы Ресей президентін Украинадағы қақтығысты ушықтырмауға шақырған. Ол сондай-ақ Путинмен келесі жолы сөйлескенде дағдарысты тез арада шешуді талқылауға ниет білдірген көрінеді.
Дегенмен басылымның ақпараты ресми түрде расталған жоқ.
"Валдай" пікірсайыс клубының отырысында сөйлеген сөзінде Путин байланысты қалпына келтіруге қарсы емес екенін және Трампқа қоңырау шалуды ұят санамайтынын айтты. Ал Кремльдің баспасөз хатшысы Дмитрий Песков Ресей басшысы АҚШ-тың жаңадан сайланған президентімен өзі байланысуы мүмкін екенін, бірақ оқиғаның әрі қарай қалай өрбитінін бақылау қажеттігін атап өтті.