АСТАНА, 7 қараша – Sputnik. "Қазақстан темір жолы" (ҚТЖ) компаниясы қазақстандық астықты экспортқа жөнелтуге қатысты мәліметті жаңартты.
Компанияның мәліметінше 2024 жылдың басынан көптеген астық экспорты артты және ҚТЖ желісі арқылы тасымалдаудың жаңа бағыттары дамыды. Егер бұрын экспортта бидай басым болса, қазір дәнді дақылдардың басқа түрлері де сұранысқа ие.
Мәселен, жүгері дәнінің экспорты 1,5 есе өсіп, 117 мың тоннаны құрады. Тәжікстанға тасымалдау 38%-ға, Өзбекстанға үш еседен астам өсті. Биыл Иранға жүгері дәнін тасымалдау басталды. Жасымық экспорты жеті есе өсті – 80 мың тоннаға дейін. Көбіне Ресей порттары арқылы Еуропа елдеріне жеткізілген.
Бұршақ тасымалы үш есе артқан. Қазақстаннан Ауғанстанға импорт екі есеге, Өзбекстанға үш есеге өсті.
Күріш өндірушілер Әзербайжан мен Беларусьте жаңа нарықтарды игеру арқылы экспортты 47%-ға (бұл 52 мың тоннаға көп) ұлғайтты.
Қазақстандық арпаны Иран қайтадан импорттай бастады, көлемі соңғы екі айда сегіз есе өсті.
Жалпы 2024 жылдың қаңтар-қазан айлары аралығында 710 мың тонна арпа экспортталды (өсім 69%).
Сауданың артуына байланысты ҚТЖ астық экспортын барлық бағытта ұлғайту бойынша шаралар қабылдап жатыр, деп хабарлады "Қазақстан темiр жолы" АҚ баспасөз қызметi.