АСТАНА, 6 қараша – Sputnik. Бердіқұлов атындағы "Үздік спорт журналисі" байқауына өтінім қабылдау басталды, деп хабарлады Туризм және спорт министрлігінің баспасөз қызметі.
"2024 жылдың 1 желтоқсанына дейін спорт тақырыбына маманданған БАҚ өкілдері арасында белгілі қаламгер, көрнекті көсемсөз шебері, қазақ спорт журналистикасының негізін қалаушы Сейдахмет Бердіқұлов атындағы дәстүрлі байқауға материал қабылдау басталды", - деп жазылған хабарламада.
Конкурс жыл сайын желтоқсан айының екінші жартысында үш номинация бойынша өткізіледі:
1.
"Үздік спорттық телевизиялық репортаж";2.
"Үздік спорттық жарияланым";3.
"Үздік спорттық фоторепортаж".Байқауға 2024 жылы шыққан авторлық жұмыс (кітап, спорттық энциклопедиялар, т.б.) та қатыса алады. Өтініштер мен мақалалар Астана қаласы, Мәңгілік ел көшесі, 8 үй, 6 қабат, Спорт және дене шынықтыру істері комитетінің баспасөз қызметіне немесе sportpress86@mail.ru электронды поштасы арқылы ("2024 жылғы С. Бердіқұлов атындағы байқауға" деген белгімен) қабылданады.