АСТАНА, 2 қараша – Sputnik. "Медеу" биік таулы мұз айдынында көптен күткен жаппай сырғанау маусымы ашылды, деп хабарлады Алматы әкімдігі.
Биыл мұз айдыны әдеттегіден ерте ашылып, келушілерге тосынсый жасады.
"Медеу" мұз айдынында сырғанау маусымы ашылды
© Photo : Алматы әкімдігі
Алматы спорт нысандары дирекциясының өкілі Олжас Ершеев бұл іс-шараның демеушілердің қолдауымен аз бюджетпен өткенін атап өтті.
"Біз тұрақты келушілердің пікірін ескеріп, инфрақұрылымды жақсарттық және барша жанға ерекше мерекелік көңіл-күй сыйлауға тырыстық", — деді ол.
Маусымның ашылу салтанатында қазақстандық эстрада жұлдыздары өнер көрсетті.