АСТАНА, 27 қазан – Sputnik. Қазақстандық сенаторлар Өзбекстандағы дауыс беруді бақылауға қатысуда, деп хабарлады Sputnik Өзбекстан.
Қазақстандық сенаторлар ТМД Парламентаралық Ассамблеясының халықаралық байқаушылары құрамында келген.
Сондай-ақ, дауыс беру мониторингіне Әзербайжан, Армения, Беларусь, Қырғызстан, Ресей және Тәжікстанның депутаттары мен сенаторлары, сондай-ақ ТМД ПАА Демократия дамуының мониторингі халықаралық институтының сарапшылары қатысып жатыр.
Олар Ташкент пен облыстардағы сайлау учаскелерінде, сондай-ақ шетелдік сайлау учаскелерінде жұмыс істеп жатыр. Бақылаушылардың мониторинг барысында алған ақпараты Өзбекстандағы парламент сайлауының қорытындысы бойынша қорытынды дайындау кезінде ескерілетін болады.
Еске салайық, Өзбекстанда парламент сайлауы басталды. Олар аралас жүйе арқылы алғаш рет өтіп отыр. Бұл ел тәуелсіздігін жариялағалы бері өткізіліп отырған жетінші сайлау.