АСТАНА, 12 қазан – Sputnik. Ауа райының нашарлауына байланысты бірнеше тас жол жабылды, деп хабарлады "ҚазАвтоЖол" компаниясы.
"Екатеринбург-Алматы" автожолының 1291-1426 шақырымы аралығындағы Астана-Теміртау бағытында автокөліктің барлық түрінің қозғалысына шектеу қойылды.
"Ауа райының бұзылуына байланысты "Қызылорда-Павлодар" автожолының 967-1135 шақырымында (Қарағанды қ. - Павлодар облысының шекарасы) және "Қарағанды-Аягөз-Боғаз" автожолының 17-217 шақырымында (Қарағанды қ. - Қарқаралы қ.) автокөліктің барлық түрінің қозғалысына шектеу қойылады", - делінген хабарламада.
"Қызылорда-Павлодар" автожолының 1135-1206 шақырым аралығындағы Қарағанды облысынан Шидерті ауылының шекарасына дейінгі учаске жабылды.