АСТАНА, 9 қазан - Sputnik. Ресей президентінің баспасөз хатшысы Дмитрий Песков РБК-ге берген сұхбатында Дональд Трамптың қызметтен кеткеннен кейін Владимир Путинмен жеті рет телефон арқылы сөйлесті деген ақпаратты жоққа шығарды, деп хабарлады РИА Новости.
"Жоқ, олай емес", - деп жауап берді баспасөз хатшысы.
АҚШ-тың бұрынғы президенті мен Ресей көшбасшысы арасындағы болжамды телефон арқылы әңгімелесу танымал америкалық журналист Боб Вудвордтың жарық көруге дайындалып жатқан "Соғыс" кітабында айтылған. Кітаптан үзінділерді CNN телеарнасы жариялады.
Трамптың сайлауалды штабы кітапты қатты сынап, онда жазылғандардың ешқайсысы шындыққа жанаспайтынын айтып, оның авторын "шынымен есінен танып қалған адам" деп атады.
"Соғыс" кітабы 15 қазанда басылып шығуы керек.