АСТАНА, 8 қазан – Sputnik. Үкімете Павлодар мен Қарағанды облысындағы дала өрті мәселесі шұғыл қаралдыдеп хабарлайды Sputnik Қазақстан тілшісі.
Төтенше жағдайлар министрі Шыңғыс Әріновтың айтуынша, дала өртін өшіруге Абай, Ақмола және Астана қалаларынан қосымша күштер тартылды. Сондай-ақ, оқиға орнына қорғаныс министрлігі мен ұлттық ұланның әуе кемелері ұшып барды.
“Павлодар облысы тарапынан Желтау ауылының 18 тұрғыны көрші ауылдың эвакуациялық пунктіне эвакуацияланды. Қазіргі уақытта Павлодар облысының аумағындағы дала өрті толықтай оқшауланды. Бүгін де Қарағанды облысы бойынша осындай нәтижеге қол жетеміз деген ойдамыз”,- деді Әрінов.
Оның айтуынша, барлық қажетті іс-шаралар қабылданып жатыр.
“Сонымен қатар бүгін түнде Ресей жағынан Қостанай облысының Жетіқара ауданына 500 га.дала өрті болып, дер кезінде сөндірілді”,- деп атап көрсетті министр.