АСТАНА, 5 қазан – Sputnik. АҚШ-тағы президент сайлауындағы Дональд Трамптың жеңісі Украинадағы қақтығысты тоқтатуға септігін тигізуі мүмкін, дейді Словакия премьер-министрі Роберт Фицо. Бұл туралы РИА Новости хабарлады.
"Барлығы жаңа америкалық президенттің сайлануынан қандай да бір керемет күтуде. Дегенмен, сайлау науқанында әрқашан тым асыра айтылған мәлімдемелер болады. Мен кімді қолдайтынымды айтқым келмейді. Өйткені бұл америкалықтардың шешімі және біз оны құрметтеуіміз керек. "Украинадағы қақтығыс ертең аяқталады" деген сияқты мәлімдемелер оңай орындалмайды. Бірақ менің ойымша, Харрис ханым сайланғанға қарағанда, егер Дональд Трамп президент болса, қақтығыстың аяқталу ықтималдығы айтарлықтай жоғары", - деді Фицо сенбі күні "Сенбілік диалогтар" бағдарламасында.
АҚШ-та президент сайлауы 5 қарашада өтеді. Демократиялық партиядан вице-президент Камала Харрис, ал Республикалық партиядан бұрынғы президент Дональд Трамп ұсынылды.