АСТАНА, 5 қазан – Sputnik. Қазақстандағы қант зауыттарына 25,8 миллиард теңге (53,5 миллион доллар) бөлінеді.
Үкіметте өткен жиында қант зауыттарын айналым қаражатымен қамтамасыз ету және қызылша өсірушілерге субсидия төлеу туралы шешімдер қабылданды.
Жеңілдікті несиелеу операторы "Аграрлық несие корпорациясы" АҚ болып табылады.
Жетісу облысындағы "Ақсу Кант" зауытына 15 миллиард теңге (31,1 миллион доллар) несие желісі ашылды, сондай-ақ "Жетісу" ӘКК арқылы 1,6 миллиард теңге (3,3 миллион доллар) бөлінді.
Меркі қант зауытына 10,8 млрд теңге (22,4 млн доллар) несие желісі берілді.
Бұл қант зауыттарына жақын арада қызылша өсірушілерге жаңа өнім үшін төлем жасауға мүмкіндік береді.
Қыркүйек айында қызылша өсірілетін Жетісу, Жамбыл және Алматы облыстарындағы әлеуметтік-кәсіпкерлік корпорациялар қызметінің тізімі кеңейтілді. Бұл корпорацияларға артық пайыздық мөлшерлеме бойынша айналым қаражатын толықтыру үшін қант зауыттарын қаржыландыруға мүмкіндік береді.