АСТАНА, 5 қазан – Sputnik. Беларусь президенті Александр Лукашенко Минск Киевке қақтығыстан кейін елді қалпына келтіруге көмектесуге дайын екенін айтты. Оның сөзін Белта мемлекеттік агенттігі келтірді, деп хабарлады РИА Новости.
Лукашенконың айтуынша, Владимир Зеленский қандай да бір маңызды мәселені шешу қажет болса, Вашингтонға ұшады.
"Ол соғысты тоқтату үшін Минскіге және Мәскеуге бармайды. Ол соғыстан кейін америкалықтар Украинаны қалпына келтіреді, ел гүлденеді деп ойлайды. Бірақ билік өзгеріп жатыр және олар "Сен кімсің?" деуі мүмкін", - деді Лукашенко Украинамен шекаралас Брест облысындағы Парохонск агроқалашығының тұрғындарымен кездесуде.
Ол АҚШ-тың жаңа билігі өз еліндегі мәселелермен айналысады және Украинаға уақыт таппайды деген пікір білдірді.
"Сондықтан Украина басшылығы ең алдымен жанашыр адамдардың, бірінші кезекте беларусьтердің көмегімен елді қалпына келтіру керек екенін түсінуі керек", - деді Лукашенко.