АСТАНА, 1 қазан – Sputnik. 1 қазанда Ереванда Еуразиялық үкіметаралық кеңес отырысы аясында Еуразиялық экономикалық одақ туралы шартқа қол қойылғанына он жыл толуына орай пошта маркаларын басудың ресми рәсімі өтті, деп хабарлады ЕЭК баспасөз қызметі.
Салтанатты іс-шараға ЕАЭО-ға мүше мемлекеттердің үкімет басшылары қатысты.
"Маркалы миниатюралардың прототипі болған көркем бейне негізінде халықтар достығы мен тату көршіліктің тарихи қауымдастығы және ежелден келе жатқан дәстүрлері, еуразиялық "бестік" елдерінің жақындасуының ерекше маңыздылығы идеясы жатыр", - делінген хабарламада.
Одақ мемлекеттері үкімет басшыларының қатысуымен арнайы еуразиялық пошта маркаларының бірінші шығарылымы 2015 жылы өтті және ол ЕАЭО туралы шартқа қол қоюға арналды. 2019 жылдағы екінші шығарылым Еуразиялық экономикалық одақтың құрылғанына бес жыл толуына арналды. Үшіншісі, яғни 2022 жылғы шығарылым Еуразиялық экономикалық комиссияның он жылдығына орайластырылды.
Осылайша, 2024 жылғы шығарылым есеп бойынша төртінші болады.