АСТАНА, 30 қыркүйек – Sputnik. Батыс елдері Украинаға көмекті қысқартуға және қаржыны ішкі қажеттіліктерді өтеуге бағыттауға себеп іздеп жатыр, деп хабарлады Bloomberg.
"Украинаның Батыстық көптеген одақтасы қазірдің өзінде Украинаға арналған қаражатты ішкі қажеттіліктерді қаржыландыруға бағыттау үшін себеп іздеп жатыр", - делінген мақалада.
Агенттік хабарлағандай, Германия 2025 жылы Украинаға көмек көрсетуге байланысты мемлекеттік бюджет баптарын қысқартуды жоспарлап отыр.
Сондай-ақ соғыс қимылдарының тоқтатылуын Батыс Киевке көрсетілетін көмек көлемін азайтуға себеп ретінде де пайдалануы мүмкін деген пікір бар.
Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды.
Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді. Оның айтуынша, АҚШ пен НАТО қару-жарақ жеткізумен ғана емес, сонымен қатар Ұлыбритания, Германия, Италия және басқа да елдерде кадрларды дайындау арқылы қақтығысқа тікелей араласуда. Кремль Украинаны Батыстан қару-жарақпен қамтамасыз ету келіссөздерге көмектеспейді және кері әсер етеді деп мәлімдеді.