АЛМАТЫ, 28 қыркүйек - Sputnik. БҚО-ның 129 ауылында орталықтандырылған ауыз су жоқ, деп хабарлайды "Мой город" порталы.
БҚО құрылыс басқармасының басшысы Әлібек Антазиев 301,4 мың халықтың 287,5 мыңы ауыз сумен қамтамасыз етілгенін айтты. Бүгінгі таңда 413 ауылдың 284-і орталықтандырылған ауыз сумен қамтамасыз етілген. 129 ауылда ауыз су жоқ.
2024 жылы 35 мыңнан астам адам тұратын 22 ауылдық елді мекенге ауыз судың орталықтандырылған желісін жеткізу жоспарлануда. Бұл мақсаттарға 5,9 миллиард теңге қарастырылған. Бұдан басқа, 1,8 мың халқы бар 20 ауылда кешенді блоктық модуль орнату жоспарлануда.
"Осы жұмыстардың нәтижесінде жыл қорытындысы бойынша облыстың 314 ауылдық елді мекенінің 97%-ы немесе 292,3 мың адамы ауыз сумен қамтамасыз етіледі деп күтілуде. 2025 жылдың соңына дейін 9 мың тұрғыны бар қалған 99 ауылдық елді мекенді таза ауыз сумен толық қамтамасыз ету жоспарлануда. Тоғыз ауылда су құбыры салынады, 90 ауылда кешенді блоктық модульдер орнатылады", - деп атап өтті Әлібек Антазиев.