АСТАНА, 28 қыркүйек – Sputnik. Астанада екі қабатты тұрғын үйге жапсарлас салынған кафеде газ баллоны жарылып, артынша қирап, өртенді.
60 шаршы метр аумақ қираған, ал өрт 15 шаршы метр аумақты шарпыған.
"Өрт сөндірілді. 6 адам жедел жәрдем қызметкерлеріне тапсырылды", - деп хабарлады төтенше жағдайлар министрлігінің баспасөз қызметі.
ТЖМ күштері қауіпсіз жерге көлемі 50 литр болатын 4 тұрмыстық газ баллонын шығарды.
Оқиға орнында ТЖМ қызметкерлері үйінділерді бұзу жұмыстарын жүргізіп жатыр.