АЛМАТЫ, 26 қыркүйек - Sputnik. Алматы облысындағы "Жағалау" оқу-жаттығу полигонында ҰҚШҰ-ның "Мызғымас бауырластық-2024" Ұжымдық бітімгерлік күштерінің қатысуымен командалық-штабтық оқу-жаттығу басталады, деп хабарлайды қорғаныс министрлігі.
Участники учений с Миротворческими силами ОДКБ "Нерушимое братство-2024" направляются в Казахстан
© Photo : Объединенный пресс-центр учений ОДКБ
"ҰҚШҰ-ға мүше елдерден – Беларусь, Қырғызстан, Ресей және Тәжікстаннан әскери құралымдар 26-30 қыркүйек аралығында келеді",- делінген хабарламада.
Оларды қайта топтастыру әскери-көліктік авиация бортымен және автомобиль көлігімен жүзеге асырылады.
Оқу-жаттығу Ұжымдық қауіпсіздік жүйесін нығайтуға және ҰҚШҰ жауапкершілік аймағында тұрақтылықты қамтамасыз етуге бағытталған.
Участники учений с Миротворческими силами ОДКБ "Нерушимое братство-2024" направляются в Казахстан
© Photo : Объединенный пресс-центр учений ОДКБ
ҰҚШҰ-ға мүше елдердің бітімгерлік контингенттері – арнайы дайындалған әскери, полицейлік және азаматтық персонал, сондай-ақ олардан бөлінетін күш-құралдар.
Әрбір бітімгерлік операцияда ҰҚШҰ Ұжымдық Қауіпсіздік кеңесінің шешімімен орындалатын міндеттердің көлеміне және шиеленіс аймағындағы нақты жағдайға қарай олардың құрамы, құрылымы мен саны айқындалады.