АЛМАТЫ, 17 қыркүйек – Sputnik. Маңғыстау облысында спорт саласында 117 млн теңге жымқырылған, деп хабарлады облыстық прокуратура.
"Ұлттық спорт түрлері орталығының бас есепшісі 2018-2023 жылдар аралығында 117 млн теңге көлеміндегі бюджет қаражатын заңсыз иемденген", - деп жазылған ведомство хабарламасында.
Облыс прокуратурасы тергеу жүргізіп, іс Қылмыстық кодекстің 371-бабының 2-бөлігі "Салғырттық" және 189-бабы 4-бөлігі "Жымқыру" бойынша сотқа жолданды.
"Сот үкімімен мекеме басшысы өз мiндеттерiн тиісінше орындамау фактісі бойынша кінәлі деп танылып, "ҚР Тәуелсіздігінің отыз жылдығына байланысты рақымшылық жасау туралы" заңға сәйкес қылмыстық жазадан босатылған, бас есепші бюджет қаражатын жымқырғаны үшін 7 жылға бас ботандығынан айырылды", - дейді облыстық прокуратура.
Сот үкімі заңды күшіне енді.