АСТАНА, 13 қыркүйек – Sputnik. Биылғы қаңтар-шілде айларында Қазақстанның құс фабрикалары мен фермерлері 2,6 млрд дана жұмыртқа алды, бұл 2023 жылдың сәйкес кезеңімен салыстырғанда 10,3%-ға аз, деп хабарлады Energyprom.kz.
Өңірлер арасында Ақмола облысы көш бастады: 404,6 млн дана жұмыртқа. Жылдық динамикада 5,3%-ға төмендеген. Үздік үштікке сондай-ақ Қарағанды (375,4 млн жұмыртқа, минус 5,4%) және Солтүстік Қазақстан (350,9 млн жұмыртқа, минус 14,5%) облыстары кірді.
Қазақстанға импорт 70,3 млн дана жұмыртқаға дейін қысқарды, бұл өткен жылдың қаңтар-маусым айларымен салыстырғанда 53,4%-ға аз. 30,9 млн дана жұмыртқа экспортталды, бір жылда минус 64,8%.
Ішкі нарықта 2,2 млрд дана жұмыртқа сатылды, бұл өткен жылдың бірінші жартыжылдығымен салыстырғанда 10,5%-ға аз.
Бүгінде 34 құс фабрикасы жұмыс істейді. Олардың кейбірі мемлекеттік қолдаудың қысқаруына, сондай-ақ жем-шөп бағасының күрт өсуіне байланысты нарықтық қысымды әрең көтеріп отыр.
Бүгінде еліміздің құс фабрикалары сату мәселесі шешілсе, қазіргі көлемге жылына 1 миллиард тауық жұмыртқасын қосуға дайын.
Осы жылдың тамыз айында бірінші санаттағы жұмыртқаның бағасы айына 1,4%-ға төмендеді, бір жыл ішінде 8,6%-ға өсті.